Impamvu 10 zitangaje zo gukora imibonano mpuzabitsina(Igice cya I)

Abantu benshi bakunda guhamya ko gukora imibonano mpuzabitsina ari kimwe mu bintu biryoha mu buzima. Abandi ngo birahuaruhukira. Naho abandi bo benderaho bakavuga ko mu mibonano mpuzabitsina umuntu yishima cyane ku buryo yongera ibyishimo mu mubiri we. 

Bityo abakora imibonano mpuzabitsina baboneramo imiti ikomeye mu buzima nk’ uko tubikesha urubuga rwigisha ku bijyanye n’ ihuzwa ry’ ibitsina carevox.fr
Dore urwo rutonde rw’ impamvu nyazo 10 zikunda gutangwa n’ abantu benshi, hagendewe ku ngero za siyansi(éclairages scientifiques à l’appui), hanashingiwe no ku buhamya bwagiye butangwa n’ ababana bakora imibonano mpuzabitsina igihe kinini.

Icyitonderwa: Ibi bireba gusa abashakanye.

Ku ikubitiro, ndabanza mbagezeho impamvu 5 za mbere.

1.Kugira ngo utarwara(utandura ibicurane(la grippe)…

Nta mpamvu yo gushaka amata(za yaourt), cyangwa se wiyahuza za siporo z’ urudaca kugira ngo wongerere abasirikare b’ umubiri(bakurinda ibicurane mu mubiri). Ahubwo ongera ubushyuhe binyuze mu mibonano mpuzabitsina kugira ngo wongerere ubushobozi abasirikaribawe barinda umubiri (immunite). Kora imibonano nibura kabiri mu cyumweru bityo wirinde imvune zose n’ impanuka z’ ubundi bwirinzi bw’ ibicurane. 

Ibi ubyizere ntubihakane n’ ubwo wenda bishobora kugutungura. Abashakashatsi(Wilkes) barabivumbuye ko abasirikare barinda umubiri (immunoglobine A) baba ari benshi cyane ku rugero rwa 30% ku bantu bakunda gukora imibonano mpuzabitsina(nibura rimwe cyangwa kabiri mu cyumweru) ugereranyije n’ abadakunda kuyikora cyangwa se bayikora gake gashoboka.

2.Kugira ngo uruhuke(pour se détendre)…

Gukora imibonano mpuzabitsina bifasha mu kugabanya umuvuduko ukabije w’ amaraso bikanagabanya umunaniro ukabije utewe no gukora cyane(stress). 

Abashakashatsi bo mu gihugu cya Ecosse bagaragaje ko abantu bakunda kubasha guhagaraga imbere y’ imbaga nini bagafata amagambo ndetse bakanashobora kuba bakwigobotora ibibazo bikomeye bifashishije amagambo(parler en public), ari abakunda gukora imibonano mpuzabitsina.

Imibonano mpuzabitsina ihoraho ituma umuntu ajya mu rukundo bityo akaruhuka mu mutwe kubwo gutwarwa n’ amarangamutima. 

Inagira uruhare runini mu kuruhura ubwonko., binafasha no kuruhuka mu gihe umuntu uyikora aryamye kuko aruhuka neza kurushaho. Binatangwa mo n’ inama ku bantu batajya babasha gusinzira(avis aux insomniaques)

3.Mu gufasha gutunganya ubuzima bw’umutima(entretenir la santé du cœur)…

Imyitozo ngororamubiri ikorewe mu cyumba mu gihe cy’ imibonano mpuzabitsina ifasha gutunganya imikorere y’ umutima(le système cardio-vasculaire).

Abagabo bakora imibonano mpuzabitsina nibura kabiri mu cyumweru bagira amahirwe yo kutagira ibibazo by’ umutima inshuro ebyiri ku batayikora. 

Aha kwiyakana biri mu bituma ukora imibonano mpuzabitsina adapfa kurwara indwara y’ umutima kuko byongera umuvuduko nk’ uwirutse akora imyitozo ngororamubiri. 

Ni ukuvuga ko abantu bahura n’ ibibazo by’ umutima cyangwa bifuza kubihungira kure iyi nama yo gukora imibonano mpuzabitsina ibareba by’ umwihariko.

Ufite ibyishimo byinshi, wumva ufite uwo wizeye, ukarushaho kugira uburanga karemano…Nta mpamvu zo kurwana na siyanse cyane ngo abe ari bwo tumenya ko urukundo ruryoshye buri wese afite impamvu ze zo kuryoherwa n’ urukundo. 

Ese ubwo aho wari uzi ko gukora imibonano mpuzabitsina byongera ibyiza byinshi mu buzima rimwe na rimwe ibyo byiza bikanaruta imiti?

4.Kugirango wirinde indwara ya kanseri(lutter contre le cancer)…

Ku bagabo basohora ku buryo buhoraho cyane cyane abafite hejuru y’ imyaka 20, bigira akamaro kanini mu kurinda umuntu ibyago byo kuba yarwara indwara ya kanseri kuko bigabanya 33%.

Umwarimu witwa Graham Giles, wo mu nteko ya Victoria yita kuri kanseri(Cancer Council Victoria), abisobanura agira ati:”Gusohora kenshi kandi ku gihe bitangira kandi bikabuza imisemburo itera kanseri itembera mu miyoboro y’ umwanya utandukanya aho inkari zinyura n’ amasohoro(Prostate)”.

5.Kugira ngo wizere ko uri muzima koko(Pour être plus sûr(e) de vous)…

Imibonano mpuzabitsina ni kimwe mu bifashe runini(ni ishingiro) mu buzima bw’ umuntu. Umwe mu bize kandi bita ku bijyanye n’ imibonano mpuzabitsina(sexologue) witwa Sandor Gardos agira ati:” Iyo mu buriri bigenda neza, wumva n’ ahandi hose bitunganye mu buzima”.

Ibi bihindura byinshi mu buzima bwacu, bigatuma twizerana, tukagira umwuka mwiza hagati yacu na bagenzi bacu kuko imibonano mpuzabitsina iba yaduharuriye inzira.

Duhiniye aha muri iki gice cyacu cya mbere, ariko muhumure mu gice cy’ ubutaha, kizaza vuba, tuzabakomereza izi mpamvu. 

Tuzongera tubahe izindi mpamvu eshanu ndetse n’ ibisobanuro byazo dukesha ubushakashatsi bwagiye bukorwa n’ inzobere mu bijyanye n’ imibonano mpuzabitsina. 

Mushobora gutanga ibitekerezo byanyu, cyane cyane ababifitiye ubuhamya n’ inzobere(ababyigiye, ababikozemo, abahura n’ abantu babifiteho ubuhamya, n’ abandi).
source:
Richard IRAKOZE

igihe.com

 

 

Add new comment

5 + 11 =